Կրթական քաղաքացիական նախաձեռնությունը (ԿՔՆ), որը հանդիսանում է ծնողների, կրթական ոլորտի 9մասնագիտական կազմակերպությունների, անհատ փորձագետների և 150-ից ավելի անհատ քաղաքացիներիմիավորում, սույն հայտարարությամբ իր անհանգստություն է հայտնում «Չումբո» նախաձեռնող խմբին աջակցելուև սատարելու ՀՀ ԿԳՆ-ի պատրաստակամության վերաբերյալ, ինչի մասին վկայում են՝
- «Չումբո» նախաձեռնող խմբի հրապարակած տեսագրության մեջ ԿԳ նախարարի խոսքերն ու ցուցաբերածվերաբերմունքը,
- ՀՀ ԿԳ նախարարի, փոխնախարարի, ՀՀ մշակույթի փոխնախարարի, Երևանի քաղաքապետարանիպատասխանատու ստորաբաժանումների պաշտոնյաների ամենաբարձր մակարդակով տվյալ նախաձեռնող խմբիանդամների հետ հանդիպման ու քննարկման փաստը:
«Չումբո» նախաձեռնող խումբը 2017 թվականին արդեն ունեցել է աշակերտների համար մասսայական միջոցառմանկազմակերպման նմանատիպ մի փորձ, որը խիստ քննադատության է արժանացել հանրության կողմից: ՀՀ ԿԳնախարարը դեռև մեկ տարի առաջ խոստացել էր դիտարկել նրանց գործունեությունը։ Մինչդեռ ամիսներ անց տարածվածտեսանյութը և ֆեյսբուքյան գրառումները փաստում են, որ «Չումբո» նախաձեռնող խմբի ներկայացուցիչներըամենաբարձր մակարդակով հանդիպումներ են ունենում և իրենց ծրագրերի իրականացման համար աջակցությունստանում ոլորտի պատասխանատու գերատեսչությունների բարձրաստիճան պաշտոնյաներից։
Արդի աշխարհում հետազոտվում և մշակվում են երեխաների ազատ ժամանցի արդյունավետ կազմակերպմանմեթոդաբանություն ու տեխնոլոգիաներ: Ըստ Ջով Դյումաձենին (Geoff Dyumazede), ով հանդիսանում է ժամանցիմանկավարժությանը հիմնադիրը, ժամանցը հանդիսանում է երեխայի անձի զարգացմանն ուղղված մանկավարժ-մասնագետի աշխատանքային կարևորագույն գործառույթ։ Արտադասարանական գործողությունները պետք է կազմենհիմնական ծրագրի մասը և չեն կարող կազմակերպվել հանրակրթության սուբյեկտ չհանդիսացող կառույցի կամնախաձեռնության կողմից։ Սակայն, տվյալ պարագայում, տեսնում ենք հակառակ իրողությունը։
Փաստում ենք, որ Չումբո նախաձեռնող խմբի կողմից առաջարկվող ձևաչափով դպրոցականների համար մասսայական խնջույքների նախաձեռնումն ու կազմակերպումը չի համապատասխանում կրթության զարգացման ժամանակակից նպատակներին, ինչպես նաև աշակերտների ազատ ժամանցի կազմակերպման համաշխարհային մոտեցումներին ու սկզբունքներին: Ավելին, բովանդակային վերլուծության դեպքում այն հակասում է ազատ ժամանցի կազմակերպման մանկավարժական մոտեցումներին ևս։
Սույն հայտարարությամբ կոչ ենք անում պատասխանատու պետական մարմիններին արգելել «Չումբո» նախաձեռնող խմբի մուտքը կրթական հաստատություններ՝ աշակերտների ժամանցի կազմակերպման նպատակով, ինչպես նաև հայտարարում ենք, որ.
- Աշակերտների համար մասսայական «քեֆերի» նախաձեռնումը՝ առանց կրթադաստիարակչական, զարգացնող, մշակութա-ստեղծագործական բաղադրիչների ապահովման չի հանդիսանում վերջիններիս ազատ ժամանցի արդյունավետ կազմակերպական մոտեցում, ավելին՝ հակասում է ազատ ժամանցի կազմակերպման սկզբունքներին ու օրինաչափություններին,
- Նմանաբովանդակ միջոցառումների կազմակերպումը, տարածումն ու պատկան մարմինների կողմից հովանավորչությունը հակասում է կրթության ոլորտի քաղաքականության, ինչպես նաև երեխաների անվտանգության և առողջության պահպանման սկզբունքներին և նպատակներին։
Ի հավելումն, հարկ ենք համարում նշել հետևյալը.
Սույն թվականի փետրվարի 15-ին «Չումբո» նախաձեռնող խումբը հրապարակել է տեսանյութ և հայտարարել, որ. «Չումբո նախաձեռնող խմբի նախագահ Սմբատ Հակոբյանը հանդիպել է ՀՀ ԿԳ նախարար Լ․Մկրտչյանին և փոխնախարար Մ․ Մկրտչյանին։ Երկու ժամ տևած ջերմ զրույցի ավարտին որոշվեց․ ՀՀ բոլոր հիմնական և ավագ դպրոցների , բուհերի և այլ կրթական հաստատություների միջոցառումների կազմակերպումը, կրթամշակութային միջոցառումների զարգացումը, վերջին զանգի տոնախմբությունների մեր տարբերակով փոփոխված և ավելի միասնական ու հետաքրքիր կազմակերպումները վստահել «Չումբո» նախաձեռնող խմբին։ Նախարարը շատ բարձր գնահատեց Սմբատ Հակոբյանի իրականացրած բոլոր նախաձեռնությունները»։ https://www.facebook.com/
Մարտի 19-ին ՀՀ ԿԳՆ-ը հրապարակել է հայտարարություն, որում ապատեղեկատվություն է որակել «Չումբո» նախաձեռնող խմբի հայտարարությունը, ինչպես նաև պնդել է, որ հրապարակված տեսանյութը մոնտաժված է և իրականությանը չի համապատասխանում:
Հիմք ընդունելով ՀՀ ԿԳՆ սույն թվականի մարտի 19-ին տարածված հայտարարությունը և ցանկանալով բացահայտել տեղի ունեցածի վերաբերյալ ողջ ճշմարտությունը՝ պահանջում ենք հրապարակել ՀՀ ԿԳՆ, ՀՀ ՄՆ, Երևանի քաղաքապետարանի և «Չումբո» նախաձեռնող խմբի ներկայացուցիչների միջև տեղի ունեցած հանդիպման ամբողջական տեսագրությունը:
«Կրթական քաղաքացիական նախաձեռնություն»
