Ավտովթար է տեղի ունեցել Երևանում այսօր՝ ապրիլի 4-ին։ Ինչպես հայտնում է Shamshyan.com-ը, ժամը 11։40-ի սահմաններում Արտաշիսյան-Հովսեփյան փողոցների խաչմերուկում բախվել են Toyota Corolla մակնիշի 35 NT 882 համարանիշի և Nissan Teana մակնիշի 81 AF 818 համարանիշի ավտոմեքենաները։ Վթարի հետևանքով 2 վարորդներն ու 1 ուղևոր մարմնական վնասվածքներով տեղափոխվել են «Էրեբունի» բժշկական կենտրոն։ Toyօta-ն բախվել է հաստաբուն ծառին։ Ոստիկանությունը պարզում է վարորդների և վիրավորի ինքնությունը։ Վթարի վայրի հարևանությամբ բնակվողները խնդրանքով դիմում են ճանապարհային ոստիկանությանն ու Երևանի քաղաքապետին, որպեսզի նշված խաչմերուկում տեղադրվի լուսակիր, քանի որ, ըստ նրանց, նշված վայրում ավտովթարների ու վրաերթերը հաճախակի բնույթ են կրում։ Հերթական ավտովթարը՝ Երևանի խնդրահարույց խաչմերուկում. բախվել են Nissan-ն ու Toyota-ն, Toyota-ն էլ՝ հաստաբուն ծառին. կան վիրավորներ.