Մարտի 19-ին, ժամը 14։50-ին ահազանգ է ստացվել, որ Սյունիքի մարզի Գորիս քաղաքում՝ Անկախության 111 հասցեի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Պարզվել է՝ «ՎԱԶ 2106» մակնիշի 34 QC 432 պետհամարանիշի ավտոմեքենան դուրս է եկել ճանապարհի երթևեկելի հատվածից և բախվել ծառին: Փրկարարներն ավտոմեքենայից դուրս են բերել վարորդին և մոտեցրել շտապօգնության ավտոմեքենային, հոսանքազրկել «ՎԱԶ 2106» ավտոմեքենան և փակել գազի բալոնի փականը: Տուժած՝ 1977 թ. ծնված Ս. Ա.-ը տեղափոխվել է Գորիսի ԲԿ: