Հայաստանի ԱԻՆ-ում, այսօր՝ ապրիլի 3-ին, ժամը 20:18-ին 911 ծառայությանն ահազանգ է ստացվել, որ Սյունիքի մարզի Շինուհայր գյուղի մոտակայքում տեղի է ունեցել ավտովթար` ավտոմեքենան կողաշրջվել է, կան արգելափակված տուժածներ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Շինուհայր գյուղի մոտակայքում բախվել են «Mercedes-Benz» (վարորդ` Գ.Հ., ծնված 1998 թ.) եւ «ՎԱԶ-2121» մակնիշների (վարորդ՝ Ա.Հ., ծնված 1986 թ.) ավտոմեքենաները, ինչի հետեւանքով «Mercedes» մակնիշի ավտոմեքենան կողաշրջվել է: Մինչ փրկարարների՝ կանչի վայր հասնելը, «Mercedes-Benz» մակնիշի ավտոմեքենայի ուղեւոր Գ.Ղ.-ն (ծնված 1989 թ.) տեղի ուժերով հոսպիտալացվել է Գորիսի ԲԿ, որտեղ բժիշկները տուժածի առողջական վիճակը գնահատել են բավարար: Փրկարարները հոսանքազրկել են ավտոմեքենաները եւ փակել գազի բալոնների փականները: