Երկրորդ Եվրոպական խաղերի սամբո մարզաձևում Հայաստանը կունենա 6 մարզիկ: Հայաստանից մեդալների համար կպայքարեն՝ Տիգրան Կիրակոսյանը (52 կգ), Մաքսիմ Մանուկյանը (57 կգ), Արսեն Ղազարյանը (74 կգ), Դավիթ Գրիգորյանը (82 կգ), Գրիգոր Սահակյանը (90 կգ) և Ասյա Լալազարյանը (48 կգ): Եվրոպական երկրորդ խաղերը կանցկացվեն Բելառուսի մայրաքաղաք Մինսկում հունիսի 21-30-ը: Այս տարի խաղերին կմասնակցեն մոտ 4000 մարզիկ եվրոպական 50 երկրից: Մասնակիցները կմրցեն 15 մարզաձևերում` խաղարկելով 199 մեդալների հավաքածու: