Երեկ՝ մարտի 16-ին, խոշոր ավտովթար է տեղի ունեցել Վայոց Ձորի մարզում․ հայտնում է Shamshyan.com-ը։ Ժամը 22:20-ի սահմաններում Մալիշկա գյուղի բնակիչ 48-ամյա Կարեն Բաբայանը Opel Vectra մակնիշի ավտոմեքենայով Երևան-Մեղրի ավտոճանապարհի 125-րդ կմ հատվածում, դեպի Երևան ընթանալիս, դուրս է եկել ճանապարհի երթևեկելի գոտուց և մոտ 40 մետր շրջվելով՝ կողաշրջված վիճակում հայտնվել ձորում: Ըստ աղբյուրի՝ վթարի հետևանքով զոհեր և վիրավորներ չկան: Ոստիկանության  կողմից փաստի առթիվ նյութեր են նախապատրաստվում: Վարորդը ենթարկվել է սթափության փորձաքննության, պարզվել է, որ նա եղել է սթափ: