Մարտի 16-ին, ժամը 12:35-ին «911» ծառայությանն ահազանգ է ստացվել, որ Երևան քաղաքի Սարալաջի պողոտայում տեղի է ունեցել ՃՏՊ` բախվել են ավտոմեքենաներ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Ա. Ավետիսյան փողոցից դեպի Սարալանջի պողոտա տանող հատվածում բախվել են «Infiniti EX35»  (վարորդ՝ Ա. Գ., ծնված 1985 թ.) և «Nissan Tiida» մակնիշերի (վարորդ՝ Ա. Հ., ծնված 1980 թ.) ավտոմեքենաները: Տուժածներ չկան: Փրկարարները հոսանքազրկել են ավտոմեքենաները: