Ոստիկանության Կապանի բաժնի քրեական հետախուզության բաժանմունքի ծառայողները մարտի 6-ին օպերատիվ տվյալներ ստանալով՝ պարզել են, որ Շղարշիկ բնակավայրում ոմն Ռոբերտ ապօրինի թմրամիջոցներ է պահում և օգտագործում։ Shamshyan.com-ի  փոխանցմամբ,  Կապանի ոստիկանները կարճ ժամանակում պարզել են, որ ոմն Ռոբերտը Կապան քաղաքի Բաղաբերդ թաղամասի բնակիչ՝ 44-ամյա Ռոբերտ Ք.-ն է։ Նույն օրը Շղարշիկ բնակավայր տանող ճանապարհին Կապանի ոստիկանները հայտնաբերել են Ռոբերտ Ք.-ին, որը փաստերի ճնշման տակ ոստիկաններին է ներկայացրել է իր կողմից օգագործվող հողամասի տնակում պահված 1 լիտր պլաստմասե շշի մեջ պատրասված թմրամիջոցի նմանվող սպիտականման հեղուկ զանգվածը։ Ոստիկանները նշված վայրում հայտնաբերել են նաեւ թմրամիջոցներ պատրաստելու եւ օգտագործելու համար նախատեսված պարագաներ։ Փաստի առթիվ ոստիկանության Կապանի բաժնի հետաքննչական բաժանմունքում նյութեր են նախապատրաստվում։ Նշանակվել են մի շարք փորձաքննություններ։