Ռիա Նովոստի-ն հայտնում է, որ Եթովպիայում կործանվել է Ethiopian Airlines ավիաընկերության Boeing-737 ինքնաթիռը, որում եղել է 157 մարդ։ «Գրանցման ET-AVJ համարով Boeing 737-800 MAX ինքնաթիռը թռել է տեղական ժամանակով ժամը 08:38-ին Ադիս Աբեբայի «Բոլե» միջազգային օդանավակայանից և կորցրել կապը 08:44-ին»,- տեղեկացնում է Ethiopian Airlines-ի մամուլի հաղորդագրությունը։ Ավիաընկերությունը հայտնում է, որ ողբերգությունը տեղի է ունեցել Դեբրե Զեյթ քաղաքից ոչ հեռու։