Երեւանում, այսօր՝ մարտի 8-ին, շղթայական ավտովթար է տեղի ունեցել. ժամը 12։55-ի սահմաններում Մյասնիկյան պողոտայում՝ «Քրեյզի» գիշերային ակումբի դիմաց, բախվել են Range Rover մակնիշի 95 ՏX 001 համարանիշի, Mercedes մակնիշի 35 NN 909 համարանիշի, Opel մակնիշի 45 FF 045 համարանիշի եւ Nissan մակնիշի 35 GG 959 համարանիշի ավտոմեքենաները։ Shamshyan.com-ի  փոխանցմամբ, ըստ նախնական տեղեկությունների՝ վթարի հետեւանքով, բարեբախտաբար, զոհեր եւ վիրավորներ չկան։ Վարորդները վթարի մասին տեղեկացրել են Երեւանի ճանապարհային ոստիկանության օպերատիվ կառավարման կենտրոն ու սպասում են, մինչեւ կժամանեն ճանապարհային ոստիկաններն ու ապահովագրական ընկերությունների ներկայացուցիչները;