Այսօր՝ մարտի 7 –ին, ՀՀ Կառավարության հերթական նիստում հաստատվեց Կառավարության կառուցվածքը, ըստ որի, կրճատվում են մի շարք նախարարություններ, ինչպես նաև առաջին փոխվարչապետի հաստիքը։
Այսպիսով՝ Կառավարությունը կազմված է վարչապետից, երկու փոխվարչապետներից և նախարարներից։
Կառավարության կառուցվածքում ընդգրկվում են հետևյալ նախարարությունները.
1) աշխատանքի և սոցիալական հարցերի նախարարությունը,
2) առողջապահության նախարարությունը,
3) արդարադատության նախարարությունը,
4) արտակարգ իրավիճակների նախարարությունը,
5) արտաքին գործերի նախարարությունը,
6) կրթության, գիտության, մշակույթի և սպորտի նախարարությունը,
7) շրջակա միջավայրի նախարարությունը,
8) պաշտպանության նախարարությունը,
9) տարածքային կառավարման և ենթակառուցվածքների նախարարությունը,
10) բարձր տեխնոլոգիական արդյունաբերության նախարարությունը,
11) Էկոնոմիկայի նախարարությունը,
12) ֆինանսների նախարարությունը:
Նշենք, որ Կառավարության կառուցվածքը կգործի միայն Ազգային ժողովի կողմից ընդունվելու դեպքում, իսկ այն կքննարկվի խորհրդարանի հերթական նիստի ընթացքում։
00:00:00
