ՀՀ արտակարգ իրավիճակների նախարարության «911» ծառայությունը մարտի 5-ին, ժամը 18:20-ին ահազանգ է ստացել, որ Գեղարքունիքի մարզի Ներքին Գետաշեն գյուղում այրվում է հացատան առաստաղը: Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ: Ինչպես տեղեկացնում են ՀՀ ԱԻՆ պաշտոնական կայքից, պարզվել է, որ հրդեհը բռնկվել է Վերին Դուրան 5-րդ փողոցի թիվ 1 տանը մոտակա հացատան տանիքում: Հրդեհը մեկուսացվել է ժամը 18:34-ին, մարվել՝ 19:50-ին: Այրվել են տանիքի փայտյա կառուցատարրերը (մոտ 25 քմ):