Այսօր՝ մարտի 5-ին, արտակարգ դեպք է տեղի ունեցել Երևանում։ Ժամը 13։50-ի սահմաններում Փափազյան փողոցում՝ «Ռիո մոլ»-ի դիմաց, դեռևս անհայտ պայմաններում հրդեհ է բռնկվել Nissan մակնիշի 01 PP 800 համարանիշի ավտոմեքենայում։
Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են արտակարգ իրավիճակների նաարարության փրկարար ծառայության Արաբկիրի թիվ 5 հրշեջ-փրկարարական ջոկատը՝ 2 մարտական հաշվարկով։ Մինչ հրշեջների ժամանումը, կրակի տարածման դեմ պայքարել են «Ռիո մոլ»-ի աշխատակիցներն ու քաղաքացիները, ովքեր օգտագործել են կրակմարիչներ (огнетушитель)։
Օպերատիվորեն ժամանել են նաև ճանապարհային ոստիկանության 1-ին սպայական գումարտակի 8-րդ դասակի ծառայողները՝ դասակի հրամանատար Արշակ Սայանի գլխավորությամբ։ Հրշեջները մարել են ավտոմեքենայում առաջացած հրդեհը և, ըստ նախնական տեղեկությունների, բարեբատաբար, զոհեր և վիրավորներ չկան։
Օպերատիվորեն ժամանել են նաև ոստիկանության Արաբկիրի բաժնի քրեեական հետախուզության և համայնքային ոստիկանության բաժանմունքների ծառայողները։ Ոստիկանությունը պարզում է վարորդի ինքնությունը։ Գ. Շամշյանի տեղեկություններով՝ վարորդը Երևան քաղաքի Նորք Մարաշ վարչական շրջանի բնակիչ՝ 65-ամյա Սամվել Մովսիսյանն է, ով, բարեբախտաբար, չի տուժել։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
00:00:00
