ԵՄ-ն կարծում է, որ անցյալ տարվա դեկտեմբերին կայացած Հայաստանի խորհրդարանական ընտրությունները լավագույնն էին անկախ հանրապետության պատմության մեջ: Փետրվարի 26-ին ասուլիսի ժամանակ այս մասին ասաց Հայաստանում ԵՄ պատվիրակության ղեկավար, դեսպան Պյոտր Սվիտալսկին:
Նրա խոսքով, ընտրություններն անցել են բարձր մակարդակով` միջազգային չափանիշներին համապատասխան: «Լավագույն ընտրությունները անկախ Հայաստանում: Այն փաստը, որ բողոքարկում չի եղել եւ գործընթացը մաքուր եւ հարթ է անցել, վկայում է արդյունքների մասին: Հայաստանը կարող է հպարտանալ արդար եւ թափանցիկ ընտրությունների անցկացմամբ», - ասաց Սվիտալսկին՝ հավելելով նաեւ, որ ընտրությունները կատարյալ չէին եւ որոշ խնդիրներ այնուամենայնիվ կային, որոնք արտացոլված են միջնորդների զեկույցներում:
«Աշխատանքը պետք է շարունակվի եւ որքանով հասկանում եմ կառավարության ծրագրից եւ խորհրդարանի ղեկավարության հայտարարություններից, Հայաստանը մտադիր է բարելավել Ընտրական օրենսգիրքը: Սակայն մենք վստահ ենք, որ ընտրությունները կարեւոր փուլ էին հարապետության զարգացման գործում եւ գործընկերները գնահատեցին դա», - ասաց Սվիտալսկին:
00:00:00
