Այսօր՝ փետրվարի 24-ին, խոշոր ավտովթար է տեղի ունեցել Կոտայքի մարզում: Ժամը 01 10-ի սահմաններում Զորավան գյուղի սկզբնամասում բախվել են Երևան քաղաքի Օհանովի փողոցի բնակիչ, 45-ամյա Մարտին Անանյանի վարած КамАЗ 5410 մակնիշի 07 ՍՍ 190 համարանիշի 1384 AF համարանիշի կցորդիչով ավտոմեքենան և Կոտայքի մարզի Արագյուղի բնակիչ, 31-ամյա Սևակ Պետրոսյանի վարած Infiniti մակնիշի 07 GՏ 077 համարանիշի ավտոմեքենաները:
Ինչպես հայտնում է shamshyan.com-ը, վթարի հետևանքով Infiniti-ի վարորդ Ս. Պետրոսյանը, նրա ուղևորներ, 36-ամյա Կարեն Սարգսյանը, 31-ամյա Նարեկ Մեջլումյանը, և 35-ամյա Բենիամին Մարտիրոսյանը փրկարարների և քաղաքացիների օգնությամբ դուրս են բերվել ավտոմեքենայից և տեղափոխվել՝ Կ. Սարգսյանը, Ն. Մեջլումյանը, Բ. Մարտիրոսյանը ՝ Արմենիա բժշկական կենտրոն, իսկ Ս. Պետրոսյանը՝ Սուրբ Գրիգոր Լուսավորիչ բժշկական կենտրոն:
Դեպքի վայր ե ժամանել Արտակարգ իրավիճակների նախարարության փրկարար ծառայության Եղվարդի թիվ 17 փրկարարական ջոկատը: Ժամանել է նաև թիվ 17 հատուկ փրկարարական ջոկատը՝ Վահե Պետրոսյանի գլխավորությամբ:
Փրկարարներից 1 ժամից ավելի պահանջվեց, մինչև Infiniti-ի վարորդին կարողացան դուրս բերել ավտոմեքենայից՝ օգտագործելով հատուկ տեխնիկա:
Օպերատիվ են գործել նաև Եղվարդի շտապօգնության բժիշկները, ովքեր մինչ վիրավորներին հիվանդանոց տեղափոխելը տեղում առաջին բուժօգնությունն են ցուցաբերել: Փրկարարները հոսանքազրկել են ավտոմեքենաները, սահմանազատել տարածքը: Վթարի մասին ՃՈ -77 օպերատիվ կառավարման կենտրոնի պատասխանատու հերթապահ Դավիթ Գրիգորյանը տեղեկությունը փոխանցել է ոստիկանության Նաիրիի բաժին, որտեղից ժամանել է օպերատիվ խումբը՝ բաժնի պետի օպերգծով տեղակալ Ներսիսյանի գլխավորությամբ:
Օպերատիվորեն ժամանել են նաև Հայաստանի քննչական կոմիտեի Կոտայքի մարզային քննչական վարչության խումբը՝ վարչության պետ, Արդարադատության գնդապետ Մհեր Վարդանյանի գլխավորությամբ:
Դեպքի վայրում հավաքավծներն ասում էին, որ վիրավորներին հիվանդանոց են ուղեկցել Մ. Վարդանյանը և ճանապարհային ոստիկանության 2-րդ սպայական գումարտակի 3-րդ վաշտի հրամանատար Արթուր Պետրոսյանը: Օպերատիվորեն ժամանել են նաև նույն վաշտի 1-ին դասակի ծառայողները՝ դասակի հրամանատար Տիգրան Քոթանջյանի, ավագ հետաքննիչներ Վահե Հարությունյանի և Հակոբ Սողոյանի գլխավորությամբ:
