ԱԺ-ում կառավարության ծրագրի քննարկման ժամանակ «Լուսավոր Հայաստան» խմբակցության պատգամավոր Սրբուհի Գրիգորյանը վարչապետ Նիկոլ Փաշինյանից հետաքրքրվեց վթարային շենքերում բնակչության անվտանգության խնդիրներից: «Այս հարցը, ինչպես ժողովուրդն է ասում, բարձրացրել եմ և՛ Լենինի ժամանակ, և՛ Ստալինի ժամանակ, բայց լուծում չի գտել», - հարցը տալիս ասաց Սրբուհի Գրիգորյանը։ Պատգամավորի այս դիտարկմանը վարչապետն արձագանքեց ժպտալով. «Շատ լավ տեսք ունեք, ասեմ ձեզ»։ «Հեղափոխական մեր իշխանությունը արդյոք հեղափոխական քաղաքականություն վարելու է ՀՀ-ում վթարային շենքերի բնակիչների անվտանգությունն ապահովելու հետ կապված։ Կոնկրետ Սիսիանում ունենք մեկ շենք, որը 4-րդ կարգի վթարային է, որտեղ բնակիչները ամենօրյա վտանգի մեջ են ապրում»,-նկատեց պատգամավորը: