Հայաստանի ԱԻՆ-ում, փետրվարի 3-ին, ժամը 23:43-ին «911» ծառայությանն ահազանգ է ստացվել, որ Երեւան քաղաքի Աճառյան փողոցի թիվ 42 հասցեում գտնվող «Ֆորա» ՍՊԸ-ի մոտակայքում տեղի է ունեցել ավտովթար, ավտոմեքենան շրջվել է, կան տուժածներ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ «Hyundai Sonata» մակնիշի ավտոմեքենան (վարորդ՝ 23-ամյա Արտաշես Պ.) դուրս է եկել ճանապարհի երթեւեկելի հատվածից, բախվել մայթեզրին, այնուհետեւ գովազդային վահանակին եւ շրջվել: Փրկարարներն ուղեւորին՝ 27-ամյա Դավթի Մաթեւոսյանին, մոտեցրել են դեպքի վայրում գտնվող ավտոմեքենաներից մեկին, ով տեղափոխվել է «Սուրբ Գրիգոր Լուսավորիչ» ԲԿ. վերջինս մահացած է եղել: Ուղեւորը՝ 25-ամյա Դավիթ Կ.-ն, հոսպիտալացվել է, իսկ վարորդը տեղափոխվել՝ «Սուրբ Գրիգոր Լուսավորիչ» ԲԿ,  որտեղ բժիշկները տուժածների առողջական վիճակը գնահատել են միջին ծանրության: Փրկարարները հոսանքազրկել են ավտոմեքենան, կատարել ճանապարհահատվածի լվացման աշխատանքներ եւ ՃՈ աշխատակիցների հետ համատեղ ուղղել ավտոմեքենան: