Հունվարի 31-ին, ժամը 14:11-ին «911» ծառայությանն ահազանգ է ստացվել, որ Սյունիքի մարզի Գորիս քաղաքից դեպի լցակայան տանող ավտոճանապարհին ավտոմեքենաներն արգելափակվել են ձյան շերտում. դուրս բերելու համար անհրաժեշտ է փրկարարների օգնությունը: Առաջնային օգնության հենակետից դեպքի վայր է մեկնել ԱԻՆ ՓԾ հրշեջ-փրկարարական ջոկատի մարտական հաշվարկը: Պարզվել է, որ Մ2 ավտոճանապարհի Գորիս-Սիսիան հատվածի 2-9 կմ-ում բուք է և մառախուղ, ինչի հետևանքով երթևեկությունը դարձել է դժվարանցանելի: Հետադարձ կապով պարզվել է, որ փրկարարների անհրաժեշտություն չկա. (քաղաքացիները տեղափոխվել են այլ ավտոմեքենայով): Ժամը 15:10-ից մինչև 15:55-ը փրկարարները նշված հատվածից արգելափակումից դուրս են բերել 2 ավտոմեքենա (3 ուղևոր):