Շիրակի մարզում, հունվարի 27-ին, մահվան ելքով վրաերթ է տեղի ունեցել. ժամը 19։15-ի սահմաններում 42-ամյա Արտյոմ Հ.-ն Գյումրի քաղաքում՝ Տիգրան Մեծի փողոցում, իր վարած Mercedes մակնիշի 33 TՏ 637 համարանիշի ավտոմեքենայով վրաերթի է ենթարկել Գյումրիի բնակիչ՝ 79-ամյա Իզաբելա Ղարիբյանին։ Shamshyan.com-ի փոխանցմամբ, վարորդը փախուստի չի դիմել, օգնել է վրաերթի ենթարկվածին տեղափոխել Գյումրիի բժշկական կենտրոն, որից հետո կատարվածի մասին ահազանգել է Գյումրի քաղաքի Ոստիկանության Կումայրիի բաժին։ տուժածը հիվանդանոցում մահացել է: Վարորդը ենթարկվել է բժշկական փորձաքննության. պարզվել է, որ նա եղել է սթափ եւ աղբյուրի տեղեկություններով՝ նա նախկինում ոստիկանության ծառայող էր։