Արմավիրի մարզում, այսօր՝ հունվարի 22-ին, խոշոր ավտովթար է տեղի ունեցել. ժամը 14։40-ի սահմաններում 21-ամյա Արմեն Մ.-ն իր վարած Mercedes մակնիշի 01 OX 022 համարանիշի ավտոմեքենայով Երեւան-Արմավիր ավտոճանապարհի Էջմիածին քաղաքի մուտքի մոտ բախվել է երկաթե գովազդային սյանը եւ մասամբ հայտնվել ճանապարհի երթեւեկելի գոտում։ Shamshyan.com-ի  փոխանցմամբ, ըստ նախնական տեղեկությունների՝ վթարի հետեւանքով բարեբախտաբար զոհեր եւ վիրավորներ չկան։ Օպերատիվորեն ժամանել են «Էջմիածին» բժշկական կենտրոնի բժիշկները, սակայն վարորդը հայտնել է, որ իրեն լավ է զգում եւ հրաժարվել է բժշկական ծառայությունից։