Հունվարի 20-ին, ժամը 03:04-ին «911» ծառայությանն ահազանգ է ստացվել, որ Երևան քաղաքի Փարպեցու և Թումանյան փողոցների խաչմերուկի մոտակայքում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Peugeot մակնիշի (վարորդը՝ Ս. Ա.) ավտոմեքենան բախվել է կայանած Toyota Camry մակնիշի (վարորդը՝ Դ. Մ.) ավտոմեքենային: Փրկարարները հոսանքազրկել են Peugeot մակնիշի ավտոմեքենան: ՃՏՊ-ի հետևանքով տուժածներ չկան: