Ճանապարհային ոստիկանության 2-րդ սպայական գումարտակի 5-րդ վաշտի հետաքննիչի կողմից նյութեր են նախապատրաստվում հունվարի 14-ին Լոռու մարզում տեղի ունեցած ավտովթարի փաստով, գրում է shamshyan.com-ը: Ժամը 08:55-ի սահմաններում Սպիտակ քաղաքի Քըրք Քըրքորյան փողոցի բնակիչ, 43-ամյա Դավիթ Սարգսյանը իր վարած Opel Astra մակնիշի 35 QD 851 համարանիշի ավտոմեքենայով Սպիտակ–Երևան ավտոճանապարհի 2-րդ կմ հատվածում, դեռևս անհայտ պայմաններում, կողաշրջվել է: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Դ. Սարգսյանը բժշկական օգնություն ստանալու նպատակով տեղափոխվել է Սպիտակի բժշկական կենտրոն, որտեղ առաջին բուժօգնությունը ստանալուց հետո դուրս է գրվել հիվանդանոցից: