Հունվարի 17-ին, ժամը 12:13-ին «911» ծառայությանը տեղեկություն է հաղորդվել, որ Բերդ-Տավուշ ավտոճանապարհին «Opel» մակնիշի ավտոմեքենան դուրս է եկել ճանապարհի երթևեկելի հատվածից և կախվել դեպի ձորակը, տուժածներ չկան. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Բերդ-Վերին Ծաղկավան ավտոճանապարհի 12-րդ կմ-ին «Opel Vectra A» մակնիշի ավտոմեքենան  (վարորդը՝ Ս. Բ.)  դուրս է եկել ճանապարհի երթևեկելի հատվածից և կիսով չափ կախվել դեպի ձորակը: Փրկարարներն ավտոմեքենան դուրս են բերել ճանապարհի երթևեկելի հատված: