Հունվարի 16-ին Թբիլիսիի Դիղոմի թաղամասի բնակելի շենքերից մեկում գազի արտահոսքից տեղի ունեցած պայթյունի արդյունքում գրանցված զոհերի եւ տուժածների շրջանում ՀՀ քաղաքացիներ եւ ազգությամբ հայեր չկան։ Այս մասին հայտնում է Վրաստանում Հայաստանի դեսպանությունը: «Վրաստանում ՀՀ դեսպանությունը ցավակցում է ողբերգական դեպքի առիթով եւ իր զորակցությունը հայտնում զոհերի հարազատներին ու վրացի բարեկամ ժողովրդին»,-ասված է հաղորդագրությունում: Հիշեցնենք, որ պայթյունի հետեւանքով զոհվել է 4 մարդ, իսկ 8 հոգի ստացել են տարբեր աստիճանի ծանրության վնասվածքներ։