Նախանձ մարդը գիշերները չի կարողանում քնել, պետք է բարի լինել, օգնության ձեռք մեկնել: Այս մասին ԱԺ ընտրությունների նախընտրական քարոզարշավի շրջանակներում Մասիս քաղաքում ասաց ԲՀԿ առաջնորդ Գագիկ Ծառուկյանը: «Նախանձել պետք չէ. Հարևանդ, որ լավ լինի, դրանից վնաս չկա, մի բանով էլ քեզ կօգնի: Մեկ էլ լսում ես՝ մարդանց հասցեին այնպիսի մարդ է վատ խոսքեր ասում, դավաճան ու կաշառակեր սարքում, որ իր ամբողջ կյանքում հարյուր դոլար էլ չի աշխատել, մեկի մատից փուշ չի հանել»,-ասաց նա: Ծառուկյանը նշեց նաև, որ իր կուսակցությունից կհանի այն մարդկանց, ովքեր մի թթու խոսք կասեն մյուսների հասցեին: Ավանդույթի համաձայն՝ հանդիպման ավարտին բնակիչներն իրենց նամակները փոխանցեցին Ծառուկյանին։