Լոնդոնի «Արսենալի» երկրպագուները չեն նահանջում. նրանք շարունակում են պահանջել ամումբի գլխավոր մարզչի՝ Արսեն Վենգերի հրաժարականը: Իսկ Վենգերն, ինչպես տեղեկացրել ենք ավելի վաղ, ցանկություն չունի հեռանալ: Նա ասել է, որ ցանկանում է մնալ մինչև պայմանագրի ավարտը, որը 2019 թվականի ամռանն է: Arsenal Supporters’ Trust կազմակերպությունը դիմելու է ակումբի գլխավոր տնօրեն Իվան Գազիդիսին՝ ֆրանսիացի մասնագետի հրաժարականի պահանջով: Սպասվում է, որ Գազիդիսը երկրպագուների հետ կհանդիպի այս կիրակի: