ՀՀ Ոստիկանությունում կադրային փոփոխություններ են արվել` համաձայն ոստիկանապետ Վալերիյ Օսիպյանի հրամանների: ՀՀ ոստիկանության լրատվական վարչության պետի տեղակալ Էդգար Ջանոյանը Irakanum.am-ի հետ զրույցում հայտնեց, որ ոստիկանապետի հրամանով փոփոխություններ են արվել Ոստիկանության կազմակերպված հանցավորության դեմ պայքարի գլխավոր վարչությունում, Շիրակի և Արարատի մարզերում: «Ոստիկանապետի հրամանով Արթուր Մարտիրոսյանն ազատվել է Գյումրիի Մուշի բաժնի պետի պաշտոնից և նշանակվել Ոստիկանության կազմակերպված հանցավորության դեմ պայքարի (6-րդ) գլխավոր վարչության պետի առաջին տեղակալ։ Ոստիկանության Արթիկի բաժնի պետ Ղարիբ Հովսեփյանն ազատվել է պաշտոնից և նշանակվել Ոստիկանության կազմակերպված հանցավորության դեմ պայքարի (6-րդ) գլխավոր վարչության 2-րդ՝ թմրամիջոցների անօրինական շրջանառության դեմ պայքարի վարչության բաժնի պետ»,-ասաց Ջանոյանը։