««Հայաստանի Հանրապետական կուսակցություն» խմբակցությունից որոշ գործիչներ դուրս են գալիս պետական ապարատի ոչ համաչափ և ռեպրեսիվ հնարավոր գործողությունների պատճառով»,-այսօր Ազգային ժողովում լրագրողների հետ զրույցում ասաց ՀՀԿ խմբակցության պատգամավոր Արմեն Աշոտյանը։ «Ակնհայտ է, որ այս գործընթացները նաև գործադիր իշխանությունում եղած իշխանափոխության տրամաբանական շարունակությունն են, և խորհրդարանն ավելի համահունչ է դառնում հասարակության քաղաքական տրամադրություններին, այն առումով, որ գումարային որոշիչ ձայներ այլևս ՀՀԿ-ինը չեն»,- ընդգծեց Արմեն Աշոտյանը։ Աշոտյանը նաև ասաց, որ խմբակցությունը կարող է լքել ևս մի քանի պատգամավոր, բայց ՀՀԿ-ն շարունակելու է թիվ մեկ քաղաքական խմբակցության դերակատարությունն  ունենալ, այն այլևս բացարձակ մեծամասնություն չէ, դրա համար անհարժեշտ է  ունենալ 53 պատգամավոր, բայց պատգամավորների թվով էլ ամենամեծն է։