ԿԳՄՍ նախարարության և Հայաստանի հաշմանդամային սպորտի ֆեդերացիայի նախաձեռնությամբ օրերս կայացել է Հայաստանի պարաբազկամարտի 2026 թ. առաջնությունը, որին ավելի քան 80 մարզիկ է մասնակցել Երևանից և ՀՀ մարզերից:
Առաջնությանն առաջին անգամ մասնկացել են նաև «Հայկական հատուկ օլիմպիադաներ» հասարակական կազմակերպության սաները:
Առաջնությունն անցկացվել է Հայաստանի բազկամարտի ֆեդերացիայի (AFA) և Աշխարհի բազկամարտի ֆեդերացիայի (WAF) կանոնակարգերի համաձայն: Առաջնության մասնակիցները տարբեր դասակարգումներում հանդես են եկել 19-ական քաշային կարգերում՝ աջ և ձախ ձեռքերով:
Հայաստանի հաշմանդամային սպորտի ֆեդերացիայի նախագահ Սարգիս Ստեփանյանի խոսքով՝ առաջնությունը բավական մրցունակ կազմ է հավաքել, գրանցվել է մրցակցային պայքար, ինչի արդյունքում տեսանելի է մարզիկների գրանցած աճը:
Առաջնության արդյունքներով ձևավորվելու է հավաքական թիմը, որը մայիսի 8-20-ը Հունգարիայի մայրաքաղաք Բուդապեշտում կմասնակցի Եվրոպայի պարաբազկամարտի առաջնությանը:
Հայաստանի պարաբազկամարտի առաջնության արդյունքները՝ կից:
