Մոնիկա Արսինե Հարությունյանը հաղթել է «Հայաստանի գեղեցկուհի» 2026 ազգային գեղեցկության մրցույթում և կներկայացնի Հայաստանը 73-րդ «Միսս Աշխարհ» միջազգային գեղեցկության մրցույթում։ Այս մասին հայտնում են մրցույթի կազմակերպիչները։
«Մոնիկան ծնվել և մեծացել է Պրահայում։ Մեր գեղեցկուհին պրոֆեսիոնալ մարզիկ է՝ Չեխիայի գեղասահքի եռակի չեմպիոն և Չեխիայի ազգային հավաքականի կազմում գեղասահքի աշխարհի առաջնության կրկնակի մասնակից։ Սպորտին զուգահեռ՝ Մոնիկան նաև ատամնաբույժ է․ ավարտել է Եվրոպայի ամենահին համալսարաններից մեկը՝ Պրահայի Կառլի համալսարանը»,– հայտնում են մրցույթի կազմակերպիչները։
2020թ-ի պատերազմից հետո Մոնիկան, որպես կամավոր, Չեխիայում մասնակցել է հաշմանդամություն ստացած հայ զինվորների պրոթեզավորման աշխատանքներին՝ աջակցելով նրանց։ Մոնիկան զբաղվում է նաև բարեգործությամբ` օգնելու համար քաղցկեղով հիվանդ երեխաներին։
