Ռուսաստանն անկեղծորեն հաջողություն է մաղթում Հայաստանին և Ադրբեջանին՝ խաղաղության պայմանագրի կնքման գործում և պատրաստ է շարունակել կողմերին տրամադրել հնարավոր ամեն օգնություն՝ փաստաթղթի մշակման և ստորագրման գործում, այս մասին հայտարարել է Ռուսաստանի արտաքին գործերի նախարար Սերգեյ Լավրովը։
Նա անհրաժեշտ է համարել Հայաստանի և Ադրբեջանի միջև խաղաղության պայմանագրի ստորագրումը։
«Մենք անկեղծորեն մաղթում ենք նրանց հաջողություններ այս գործում», - նշել է ՌԴ ԱԳ նախարարը։
Ըստ Լավրովի՝ ակնհայտ է, որ պայմանագիրը հնարավոր է դարձել Ռուսաստանի Դաշնության, Ադրբեջանի և Հայաստանի մի քանի եռակողմ գագաթնաժողովների շնորհիվ։
«Մենք պատրաստ ենք շարունակել օգնություն ցուցաբերել, եթե երկու կողմերն էլ հետաքրքրված են դրանով»,- հավելել է նա։
