Նոր Նորքի արդեն նախկին թաղապետ Տիգրան Տեր-Մարգարյանը չի զղջում, որ կողմնակիցների հետ ծեծի է ենթարկել ակտիվիստ Արթուր Չախոյանին։ «Ո՛չ, չեմ զղջում»,-քաղաքապետարանում լիազորությունները դադարեցնելու մասին հայտարարությունից հետո լրագրողների հետ ճեպազրույցին ասաց Տեր-Մարգարյանը։
Հարցին, թե ինչո՞ւ միջադեպից 20 օր հետո է միայն հրաժարվում թաղապետի պաշտոնից՝ պատասխանեց. «Քաղաքական դաշտում իմ անելիքները որոշում եմ ես՝ երբ և որ ժամանակահատվածում»։
Նա նշեց, որ ինքը նախապատրաստվում է 2026թ.-ի ընտրություններին։
«Ես գնում եմ 26 թվի ընտրություններին, հայտարություն եմ արել, հետևեք ինձ»,-ասաց նա։
