Սամվել Վարդանյանի դեմ «ավտոբուսի գործով» դատական նիստի ժամանակ այսօր ևս քաղաքացիական ակտիվիստ Վարդգես Գասպարին պառկած ակցիա է իրականացրել։
Այս անգամ Գասպարին պառկել էր հենց դատական նիստերի դահլիճում՝ «ձերբակալվածի՝ Սամվել Վարդանյանի նկատմամբ ստոր բռնությունը հետքայլ է դեպի նողկալի անցյալ» գրությունը պահելով ձեռքում։
Դատարանի նկատողությունները, նախազգուշացումները չլսելով՝ Գասպարին շարունակեց պառկած մնալ այնքան ժամանակ, մինչև կարգադրիչները նրան գրկած դուրս հանեցին նիստերի դահլիճից:
Հիշեցնենք, որ Սամվել Վարդանյանը մեղադրվում է նախկին իշխանական պատգամավոր Հակոբ Ասլանյանի նկատմամբ խուլիգանություն անելու և համացանցում ատելություն հրահրող հրապարակային խոսք տարածելու համար։ Համացանցում տարածված տեսանյութի համաձայն՝ 2024 թվականի ապրիլի 15-ին Սամվել Վարդանյանը հանրային տրանսպորտում նկատել է ԱԺ պատգամավոր Հակոբ Ասլանյանին և նրա հասցեին հնչեցրել «հակահայ վիժվածք», «ժեխ բիձա» եւ նմանատիպ այլ արտահայտություններ:
Պատգամավորի հետ միջադեպից հետո, Սամվել Վարդանյանը ձերբակալվել ու ոստիկանների կողմից խոշտանգման էր ենթարկվել:
