ԱԺ «Ելք» խմբակցությունը մյուս շաբաթ կորոշի, թե ով է լինելու խմբակցության ղեկավարը: Այս մասին այսօր լրագրողներին ասաց պատգամավոր Էդմոն Մարուքյանը: Նա նշեց, որ իրենց դաշինքում երբեք խնդիր չի եղել այդ առումով, որոշումները միշտ կոնսենսուսով են կայացվել: «Ժամանակին, երբ ընտրել ենք, թեկնածուներ ենք եղել ես ու Փաշինյանը: Որոշել ենք, որ լինի Փաշինյանը: Հիմա կա իմ թեկնածությունը, կա նաև այլ թեկնածություն, կքննարկենք»: Հիշեցնենք, որ խմբակցության նախկին ղեկավարը վարչապետ Նիկոլ Փաշինյանն էր: