Անհայտ անձինք հայտնել են Մոսկվայում Հայաստանի եւ Բելառուսի դեսպանատների պայթյունի սպառնալիքի մասին՝ պահանջելով զորքերը դուրս բերել Ղազախստանի տարածքից։ Այս մասին ՏԱՍՍ-ին հայտնել է իրավապահ մարմիններում աղբյուրը։

«Երեկ հայտնի է դարձել, որ պայթյունի սպառնալիքով նամակ է ուղարկվել Հայաստանի եւ Բելառուսի դեսպանատների էլեկտրոնային փոստին։ Անհայտ անձինք պահանջել են, որ երկրների զորքերը դուրս բերվեն Ղազախստանի տարածքից»,- ասել է գործակալության զրուցակիցը։

Նրա խոսքով, շենքերը հետազոտվել են, որեւէ պայթուցիկ սարք կամ պայթուցիկ նյութ չի հայտնաբերվել։