Հայաստանի Արտաքին գործերի նախարար Արարատ Միրզոյանի կինը՝ Գոհար Աբաջյանը այս տարվանից նոր աշխատանք կունենա։ Այն, իհարկե կարճաժամկետ է։ Պարզվում է Աբաջյանը Տեղեկատվական տեխնոլոգիաների հմուտ վարպետ է, այդ իսկ պատճառով որոշել է գիտելիքները կիսել սկսնակների համար։ Նա «Տեղեկատվական տեխնոլոգիաների նախագծերի կառավարում» խորագրով ծրագրի դասընթացավար է գրանցվել Quick Start նախագծում, որի  նպատակն է տալ պրակտիկ լուծումներ նախագծի կառավարիչներին` ղեկավարելու ցանկացած չափի և բարդության ծրագրեր: «Այս ծրագիրը ընդգրկում է նախագծերի կառավարման շրջանակի ամենակարևոր բաղադրիչները և ամենահայտնի Agile մեթոդները, որոնք օգտագործվում են ՏՏ ոլորտում»,- ներկայացված է նախագծի նպատակում։ Բայց քանի որ ԱԳ նախարարի կինը «գերզբաղված» է, նա շաբաթական երկու անգամ է դասը վարելու, տևողությունն էլ 36 ժամ է լինելու։ Գոհար Աբաջյանի դասերը լսելու և ինչպես ներկայացված է նախագծում հմուտ մասնագետ դառնալու արժեքը ամսական 56 հազար դրամ է։ Ու չնայած այն հանգամանքին, որ հիշյալ դասընթացին մասնակցելու հայտարարությունը ֆեյսբուք սոցիալական ցանցում տեղադրվել է մի քանի օր առաջ, և, որպեսզի հասանելի լինի շատերին այն նաև գովազդվում է, սակայն մինչ այս պահը որեւէ  մեկը ցանկություն չի հայտնել մասնակցելու Գոհար Աբաջյանի դասընթացներին։ Irakanum.am