Երեկ, դեկտեմբերի 31-ին, ավտովթար է տեղի ունեցել Երևանում։

Ժամը 21։00-ի սահմաններում Mahindra Scorpio մակնիշի ավտոմեքենան Սեբաստիա փողոցում «Եռաբլուր» զինվորական պանթեոնի դիմաց դուրս է եկել ճանապարհի երթևեկելի գոտուց և բախվել ցուցանակին։

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ բարեբախտաբար, տուժածներ չկան։ Օպերատիվորեն ժամանել են ՀՀ ոստիկանության Պարեկային ծառայության Երևանի գնդի 2-րդ գումարտակի պարեկները՝ գումարտակի հրամանատար Լևոն Բադալյանի, հրամանատարի տեղակալ Դավիթ Նիկողոսյանի գլխավորությամբ։

Պարեկային ծառայությունը պարզում է վարորդի ինքնությունը։

Լուսանկարները՝ Յուրա Գաբրիելյանի Ծանուցում.

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: