Ոստիկանությունը փորձում է բանակցել զինված տղամարդու հետ ՄԱԿ-ի շենքի մոտ։ Այս մասին հայտնել է ոստիկանության ներկայացուցիչը։ Զինված մարդու դրդապատճառների մասին ոչինչ հայտնի չէ։ Շենքի առջեւ կանգնած են մի քանի պարեկային մեքենաներ՝ ներառյալ լուսային ազդանշաններով մեքենաները, հատուկ փորձաքննությամբ եւ զենքով ու ոստիկաններով միկրոավտոբուսը։ Շենքի դիմաց երթեւեկելի մասի մի մասը շրջափակված է։ ՄԱԿ-ի կենտրոնակայանը փակ է մուտքի եւ ելքի համար։ ՄԱԿ-ի Անվտանգության ծառայությունը անձնակազմին եւ պատվիրակներին խնդրում է մնալ իրենց տեղերում՝ «42-րդ եւ 43-րդ փողոցների միջեւ ոստիկանական ակտիվության» պատճառով: Համաշխարհային կազմակերպության գլխավոր քարտուղարի ներկայացուցիչ Ստեֆան Դյուժարիկը լրագրողներին հայտնել է, որ «անվտանգության սպառնալիքը» դեռ պահպանվում է: «Մոտավորապես ժամը 10:45-ին (Երեւանի ժամանակով 17:45-ին) ՄԱԿ-ի աշխատակիցը, որը շենք է մտել 43-րդ փողոցի կողմից, պահպանությանը հայտնել է տղամարդու մասին, որն իր մոտ որսորդական հրացանի պես մի բան է ունեցել: ՄԱԿ-ի անվտանգության ծառայությունն այդ մասին անհապաղ հայտնել Է Նյու Յորքի ոստիկանությանը», - նշել է նա։