Ֆինլանդիայի իշխանությունները մշակում են մի օրինագիծ, որը թույլ կտա աշխատողներին իմանալ իրենց գործընկերների աշխատավարձերը, գրում է Reuters-ը։

Եվրոպական երկրի բնակիչները կարող են պահանջել այս տեղեկատվությունը գործատուից, եթե կասկածում են, որ իրենք գենդերային խտրականության են ենթարկվում: «Կառավարության առաջնահերթությունը աշխատավարձերի չհիմնավորված տարբերության վերացումն է»,- ասել է իրավահավասարության հարցերով նախարար Թոմաս Բլոմքվիսթը: Օրինագիծը կարող է հաստատվել 2023 թվականի ապրիլին։

Սրա դեմ արդեն առարկություններ են եղել գործատուների եւ արհմիությունների կողմից։ Օրինակ, Ֆինլանդիայի գործատուների ամենամեծ կազմակերպությունը՝ Ֆինլանդիայի արդյունաբերության համադաշնությունը, կոչ է արել թույլ տալ աշխատավարձերի տարբերությունների վերաբերյալ տեղեկատվությունը կամավոր հիմունքներով տրամադրել:

Նման տեղեկատվության պարտադիր հրապարակումը կհանգեցնի համընդհանուր հետաքրքրության եւ աշխատանքային մթնոլորտի վատթարացման, վստահ է կազմակերպության ավագ իրավախորհրդատու Կատյա Լեպպանենը։ 2020 թվականին Ֆինլանդիայում կանայք 17,2 տոկոսով ավելի քիչ են վաստակել, քան տղամարդիկ։