Երևանի քաղաքապետ Հայկ Մարությանն հերթական անգամ հայտնվել է իշխանական մամուլի թիրախում։ Irakanum.am-ը իր նախորդ հրապարակումներից մեկում անդրադարձել էր Մարության- կենտրոնական իշխանություն հարաբերություններին։ Մենք գրել էինք, որ կառավարության հովանավորչության ներքո գործող որոշ կայքեր պարբերաբար անդրադառնում են Մարությանին։ Այդ շարքին է դասվում նաև Նիկոլ Փաշինյանի աներձագ Հրաչյա Հակոբյանի քավոր Էդգար Ավագյանին պատկանող freenews.am կոչվող կայքը։

Օրեր առաջ էլ այդ լրատվական կայքում հայտնվեց «Կարգին Հայկոյի նախընտրական խոստումներն իրականացնում է Փաշինյանը․ Կառավարությունը 25մլն դոլարով 100 ավտոբուս կգնի Երևանի համար» վերտառությամբ հոդվածը, որը հիշյալ կայքն արտատպել էր մեկ այլ կայքից՝ ArmeniaNews-ից։ Հիշյալ կայքն էլ տեղեկությունների համաձայն գործում է կառավարությունում աշխատող չինովնիկներից մեկի կողմից։

Ինչու՞ է Հայկ Մարությանը հերթական անգամ հայտնվել իշխանական մամուլի թիրախում, ինչու՞ Հայկ Մարությանը դարձավ Կարգին Հայկո և ի վերջո Հայկ Մարությանը քաղաքապետի պաշտոնում առաջադրվել է ՔՊ-ի ցուցակով, հետևաբար Մարությանի՝ երևանցիներին տրված խոստումը նախ և առաջ կուսակցության խոստումն է։

Irakanum.am-ի հետ զրույցում Երևանի քաղաքապետի մամուլի խոսնակ Հակոբ Կարապետյանը չցանկացավ մեկնաբանել իր խոսքերով սունկ կայքերի, դեղին մամուլի հրապարակումները։ Բայց խոսեց նոր ավտոբուսների մասին։ «Երևան համայնքը 2019 թվականի սկզբից ի վեր, ի դեմս Երևանի քաղաքապետի վարած քաղաքականության նախաձեռնել է Երևանի տրանսպորտային ցանցի համար նոր ավտոբուսների ձեռքբերման  գործընթաց։ Արդեն այսօրվա դրությամբ մենք կարող ենք արձանագրել, որ 311 հատ ավտոբուս ձեռքբերվել է և Երևանում է գտնվում»,- ասաց Հակոբ Կարապետյանը։ Դրանք ըստ խոսնակի՝ ապահովված են ժամանակակից չափորոշիչներով։

Ինչ վերաբերում է կառավարության նախորդ շաբաթվա նիստում ընդունված որոշմանը, ապա ըստ Հակոբ Կարապետյանի դրանք վերաբերում են 12 մետրանոց 100 նոր ավտոբուսների։ «Այդ ավտոբուսները ձեռք է բերման վարկը բանակցվել է ՎԶԵԲ-ի հետ տարիներ առաջ։ 20մլն-ը վարկ է, հինգ մլն-ը՝ դրամաշնորհային միջոցներ են, իսկ էդ քսան  միլիոնից 12 մլն դրամը ՎԶԵԲ-ի հետ նախկին ծրագրերի  շրջանակներում քաղաքային իշխանության տնտեսած միջոցներից են ձևավորված»,- ասաց խոսնակը, հավելելով, որ այդ բանակցությունները սկսվել են դեռևս 2019 թվականից։

Դիտարկմանը, թե փաստացի մանիպուլյացիայի հետ գործ ունենք, Հակոբ Կարապետյանը կրկնեց, որ դեղին մամուլի հրապարակումները չի մեկնաբանում։

Irakanum.am