Այս տարվա դեկտեմբերի 5-ին Արագածոտնի մարզի Աշտարակ քաղաքում կայանալիք ՏԻՄ ընտրություններին մասնակցության հայտ է ներկայացրել  երեք կուսակցություն։

«Քաղաքացիական պայմանագիր» կուսակցությունն առաջադրել է գործող քաղաքապետ Թովմաս Շահվերդյանի թեկնածությունը։ Շահվերդյանը քաղաքպետ էր ընտրվել 2016 թվականին։

Աշտարակ համայնքում «Հայրենիք»  կուսակցության ավագանու ցուցակը գլխավորելու է Ազատ Զաքարյանը։

ՀՅԴ-ն դեռեւս չի հայտարարել, թե ով է գլխավորելու կուսակցության ցուցակը։

Նույն մարզի Ապարան քաղաքում ևս ՏԻՄ ընտրություններ են նախատեսված։ Ապարանում ըստ Կենտրոնական ընտրական հաձնաժողովի երկու կուսակցություն է մասնակցության հայտ ներկայացրել։ Խոսքը՝ «Կարեն Եղիազարյան» կուսակցությունների դաշինքի և «Քաղաքացիական պայմանագրի» մասին է։

Իսկ ահա մարզի Թալին քաղաքի ՏԻՄ ընտրություններին մասնակցելու համար ԿԸՀ փաստաթղթեր է ներկայացրել չորս քաղաքական ուժ։

Irakanum.am