Ամերիկյան Time հանդեսը հրապարակել է 2021 թվականի 100 ամենաազդեցիկ մարդկանց ցանկը՝ նրանց ներկայացնելով հետևյալ անվանակարգերում՝ «Տիտաններ», «Նորարարներ», «Արվեստի գործիչներ», «Առաջնորդներ», «Գյուտարարներ» և «Կուռքեր»: «Առաջնորդների» շարքում տեղ են գտել Առևտրի համաշխարհային կազմակերպության ղեկավար Նգոզի Օկոնջո-Իվեալան, Իրանի նախագահ Էբրահիմ Ռայիսին, Իտալիայի և Իսրայելի վարչապետեր Մարիո Դրագին և Նաֆթալի Բենեթը, Սալվադորի նախագահ Նայիբ Բուկելեն, Աֆղանստանի կառավարության փոխղեկավար Աբդուլ Ղանի Բարադարը: Այս անվանակարգով ցանկում երկրորդ տարին անընդմեջ հայտնվել են ԱՄՆ նախագահ Ջո Բայդենը, նախկին նախագահ Դոնալդ Թրամփը, Հնդկաստանի վարչապետ Նարենդրա Մոդին, ԱՄՆ փոխնախագահ Քամալա Հարիսը, Չինաստանի ղեկավար Սի Ծինփինը: Ըստ հանդեսի՝ «տիտաններ» են ճանաչվել Apple-ի ղեկավար Թիմ Կուկը, ամերիկացի թեթևատլետ Էլիսոն Ֆելիքսը:«Նորարարների» շարքը համալրել են երկգչուհի Բիլի Այլիշը, սպանված աֆրոամերիկացի Ջորջ Ֆլոյդի ընտ անիքի փաստաբան Բեն Քրամփը: «Արվեստի գործիչների» թվում են դերասաններ Սքարլեթ Յոհանսոնը, Քեյթ Ուինսլեթը, Օմար Սին, ռեժիսոր Քլոե Չժաոն: «Կուռքերի» թվում են բրիտանացի արքայազն Հարին և նրա կինը՝ Մեգան Մարքլը, թենիսիստուհի Նաոմի Օսական, երգչուհի Բրիթնի Սփիրսը, Ալեքսեյ Նավալնին: «Գյուտարարների» անվանակարգում տեղ են գտել SpaceX-ի ղեկավար Իլոն Մասկը, General Motors-ի գլխավոր տնօրեն Մերի Բարրան և ուրիշներ: