Փարիզի ոստիկանությունը 2 կասկածյալի է ձերբակալել Վանդոմի հրապարակում Bulgari ոսկերչական բուտիկի թալանումից հետո։ Վանդոմի հրապարակը  Փարիզի եւ Եվրոպայի ամենաճոխ եւ թանկարժեք առեւտրային կենտրոններից է։ Ոստիկանությունը Associated Press-ին հայտնել է, որ ոստիկանության սպաները հետեւել են 3 կասկածյալի, որոնք փորձել են մեքենայով փախուստի դիմել։ Հասկանալի չէ, թե ինչ են կարողացել գողանալ դիզայներական խանութում։ Ոստիկանությունը դեռ փնտրում է երրորդ կասկածյալին։