111-ամյա Լեոնելա Գվաչավան երկուշաբթի դուրս է գրվել Թբիլիսիի հանրապետական հիվանդանոցից՝ կորոնավիրուսային վարակից ապաքինվելուց հետո, հայտնում է interfax.ru-ն: Բուժհաստատության մամուլի ծառայությունից հայտնում են, որ 1910 թվականին ծնված պացիենտը կլինիկա է ընդունվել կորոնավիրուսի դրական թեստից անմիջապես հետո: Բժիշկները վստահ են, որ դա մեծապես որոշել է դրական արդյունքի հասնելը: Նշվում է, որ հոսպիտալացվել է նաև կնոջ 80-ամյա որդին: Նա առողջական վատ վիճակում էր, սակայն առաջիկայում դուրս կգրվի: