Մոլդովայի նախագահ Մայա Սանդուի աջակիցները հանրահավաք են անցկացնում ՍԴ շենքի դիմաց՝ պահանջելով խորհրդարանի լուծարումը, հաղորդում է «ZGD»-ը:
Ցույցը կազմակերպել է Գործողության եւ համերաշխության նախագահամետ կուսակցությունը:
«Հարգելի՛ քաղաքացիներ, մենք մեր երկրի համար շատ լարված եւ կարեւոր պահեր ենք ապրում: Դրանք լոկ խոսքեր չեն, այլ՝ ճշմարտություն: Սա մի իրավիճակ է, որում մենք՝ բոլորս, քաղաքական գործիչներս, հասարակ մարդիկ, պետք է պաշտպանենք մեր Սահմանադրությունը: Մենք պետք է պաշտպանենք այդ ինստիտուտը, Սահմանադրական դատարանը, որի դեմ են այնպիսի մարդիկ, ինչպիսիք են Դոդոնը, Շորը, Պլախոտնյուկը: Նրանք փորձում են բռնազավթել իշխանությունը: Նրանք վախենում ենք քաղաքացիներից: Եկե՛ք ՍԴ-ի մոտ երկուշաբթի ժամը 08:00-ին: Մենք այստեղ կլինենք, որպեսզի պաշտպանենք մեր Սահմանադրությունը»,-ասվում է կուսակցության տարածած հայտարարության մեջ:
