Թուրքիայի խորհրդարանի հայազգի պատգամավոր, քրդամետ Ժողովուրդների դեմոկրատական կուսակցության անդամ Կարո Փայլանը իր թվիթերյան էջում Հայոց ցեղասպանության 106-րդ տարելիցի կապակցությամբ գրառում է կատարել: «Հայոց ցեղասպանությունը տեղի է ունեցել այս հողերում և արդարության կարելի է հասնել միայն այս հողերում: Թուրքիան կարող է բուժել հայ ժողովրդի վերքերը: Հարգանքով եմ հիշում 106 տարի արդարությանը սպասած Հայոց ցեղասպանության զոհերին»,-գրել է Փայլանը: