ՌԴ ԶՈւ Հյուսիսային նավատորմի կազմում ընդգրկված երկու մեծ դեսանտային նավ անցել է Բոսֆորի նեղուցով և մտել Սև ծովի ջրային տարածք: Այս մասին հայտնում է ՏԱՍՍ գործակալությունը՝ հղում անելով իր աղբյուրին:
Գործակալության զրուցակիցը հայտնել է, որ նավերն արդեն գտնվում են Սև ծովում: Խոսքը «Ալեքսանդր Օտրակովսկի» և «Կոնդոպոգա» դեսանտային նավերի մասին է:
Ավելի վաղ հաղորդվում էր, որ Ղրիմի զորավարժարաններում և Սև ծովի հարակից տարածքում ստուգումներ են իրականացվում Հարավային ռազմական շրջանի զորքերի վերապատրաստման ձմեռային ժամանակահատվածի արդյունքում: Սևծովյան նավատորմի ստորաբաժանումներից բացի ավարտական ստուգումներին մասնակցում է 58-րդ համակցված բանակային ստորաբաժանումը: Շաբաթ Ղրիմի կամրջի տակով անցել և Սև ծով է մտել Կասպիական նավատորմի 15 նավ:
00:00:00
