Ոստիկանության պետ Արման Սարգսյանի հանձնարարությամբ ոստիկանության ներքին անվտանգության վարչությունում ծառայողական քննություն է կատարվում ոստիկանության Կապանի բաժնում տեղի ունեցածի առնչությամբ: Այս մասին հայտնում են ՀՀ Ոստիկանությունից։ Հիշեցնենք, որ մամուլում տեղեկություններ են հրապարակվել այն մասին, որ լուսադեմին դիմակավորված և զինված ոստիկանները ձերբակալել են Քաջարանի համայնքապետի մերձավոր շրջապատից 4 անձի, որոնք այժմ գտնվում են ոստիկանության Կապանի բաժանմունքում։ Ձերբակալվածներից մեկին  քիչ առաջ ազատ են արձակել։ Ըստ 168.am-ի՝ պարզվում է՝ սխալմամբ է տարվել ոստիկանանական բաժանմունք: Քաջարանի քաղաքացի Նվեր Խաչատրյանը սխալ բերման ենթարկվելուն զուգահեռ ենթարկվել է նաև բռնության: