Աղավնաձորում տեղակայված կորոնավիրուսի կարանտինային մեկուսարաններից մեկից թեստավորումից հետո քաղաքացիներին տուն են ճանապարհել ծաղկեփնջերով: Մեկուսարանի ղեկավար Նարեկ Վանեսյանն իր ֆեյսբուքյան էջում գրել է. «Աղավնաձորում տեղակայված մեկուսարաններից մեկում 14 օր մեկուսանալուց և COVID-19-ի նկատմամբ թեստ հանձնելուց հետո, մեր կոնտակտավոր քաղաքացիների մի մասի մոտ արձանագրվել էր բացասական պատասխան: Մեր ողջ թիմը ծափերով և ծաղիկներով ճանապարհեց մեր առողջ հայրենակիցներին դեպի տուն: Այո, կորոնավիրուսից հետո կա կյանք... Առողջ լինեք... Աղավնաձորի մեկուսարաններից բոլոր տուն վերադարձող կանայք գնալու են այսպես»: