ՀՀԿ փոխնախագահ Արմեն Աշոտյանն իր ֆեյսբուքյան էջում գրել է․ «Դեռ շաբաթներ առաջ պնդում էի, որ համաճարակի ֆոնին արտաքին անվտանգության մասին մոռանալ չի կարելի։ Փառք ու պատիվ մեր բանակին, առողջություն վիրավորված երեխային եւ զինծառայողներին։ Հայաստանն անհապաղ պետք է դիմի ԵԱՀԿ Մինսկի խմբի համանախագահներին, ՀԱՊԿ-ին, ՄԱԿ-ին, Եվրոպական Միությանը, ինչպես նաեւ այլ միջազգային գործընկերներին։ Գլոբալ համաճարակի ֆոնին, անտեսելով համամարդկային համակեցության տարրական նորմերը, միջազգային իրավունքի հիմունքները, ՄԱԿ-ի գլխավոր քարտուղարի կոչը «պանդեմիկ զինադադարի» վերաբերյալ, Ադրբեջանը կրկին դրսեւորել է իր զավթողական, հակամարդկային եւ ագրեսիվ էությունը։ Մի բան ակնհայտ է. Ալիեւը կորոնավիրուսից վտանգավոր է։ Մենք էլ պետք է զգոն եւ ուժեղ լինենք»։